Kupla līpa izauguse

Latgaliešu tautasdziesma, Latgaliešu tautasdziesma

Kupla līpa izauguse
Muna tāva pogolmā. 
Ramtai rīdi rallalā, 
muna tāva pogolmā.

Kad es gōju gūvu slaukti,
Līpā kōru vainuceņ’.

Cīma puiši leli zagļi,
Nūzoguši vainuceņ’.

Es jums soku cīma puiši
Atdūtditi vainuceņ’.

Īš pi jauna, īš pi vaca, 
Pi atraiša vin naīš’.

Atraišami smoga rūka, 
Div laulōti gredzenteņ’.

Īš pi jauna, īš pi smuka, 
Lai byus loba dzeivōšon’.